ຮູບແບບ
ທ່ານສາມາດເລືອກຕົວເລືອກຕ່າງໆສຳລັບການຈັດຮູບແບບສູດ LibreOffice Math. ຕົວເລືອກຮູບແບບຈະສະແດງຢູ່ໃນສ່ວນລຸ່ມຂອງແຖບອົງປະກອບ. ຕົວເລືອກເຫຼົ່ານີ້ຍັງມີລາຍຊື່ອຢູ່ໃນ ເມນູລັດ ຂອງປ່ອງຢ້ຽມ ຄຳສັ່ງ.
ຕໍ່ໄປນີ້ແມ່ນລາຍຊື່ທັງໝົດຂອງຕົວເລືອກການຈັດຮູບແບບທີ່ມີໃຫ້ໃຊ້ໃນ LibreOffice Math. ໄອຄອນຂ້າງຕົວເລືອກຮູບແບບສະແດງໃຫ້ເຫັນວ່າມັນສາມາດເຂົ້າເຖິງໄດ້ຜ່ານແຖບອົງປະກອບ (ເມນູ ເບິ່ງ - ອົງປະກອບ) ຫຼື ຜ່ານເມນູລັດຂອງປ່ອງຢ້ຽມ ຄຳສັ່ງ.
ຕົວອັກສອນ "a" ໝາຍເຖິງຕົວແທນໃນສູດຂອງທ່ານທີ່ທ່ານຕ້ອງການກຳນົດການຈັດຮູບແບບໃຫ້. ທ່ານສາມາດແທນຕົວອັກສອນນີ້ດ້ວຍຕົວອັກສອນອື່ນໆຕາມທີ່ທ່ານຕ້ອງການ.
ຕົວເລືອກຮູບແບບ
ເລກກຳລັງດ້ານຊ້າຍ
ແຊກເລກກຳລັງໄວ້ທາງຊ້າຍຂອງຕົວແທນ. ທ່ານຍັງສາມາດພິມ <?>lsup{<?>} ໃນປ່ອງຢ້ຽມ ຄຳສັ່ງ ໄດ້.
ເລກກຳລັງດ້ານເທິງ
ແຊກເລກກຳລັງໄວ້ທາງເທິງຕົວແທນໂດຍກົງ. ທ່ານຍັງສາມາດພິມ <?>csup<?> ໂດຍກົງໃນປ່ອງຢ້ຽມ ຄຳສັ່ງ ໄດ້.
ເລກກຳລັງດ້ານຂວາ
ແຊກເລກກຳລັງໄວ້ທາງຂວາຂອງຕົວແທນ. ທ່ານຍັງສາມາດພິມ <?>^{<?>} ໂດຍກົງໃນປ່ອງຢ້ຽມ ຄຳສັ່ງ, ຫຼື ຈະໃຊ້ rsup ຫຼື sup ກໍໄດ້.
ການວາງຊ້ອນກັນຕາມທາງຕັ້ງ (2 ອົງປະກອບ)
ແຊກການວາງຊ້ອນກັນຕາມທາງຕັ້ງ (ທະວີນາມ) ພ້ອມກັບສອງຕົວແທນ. ທ່ານຍັງສາມາດພິມ binom<?><?> ໂດຍກົງໃນປ່ອງຢ້ຽມ ຄຳສັ່ງ ໄດ້.
ຕົວຫ້ອຍດ້ານລຸ່ມ
ແຊກຕົວຫ້ອຍໄວ່ທາງລຸ່ມຕົວແທນໂດຍກົງ. ທ່ານຍັງສາມາດພິມ <?>csub<?> ໂດຍກົງໃນປ່ອງຢ້ຽມ ຄຳສັ່ງ ໄດ້.
ຕົວຫ້ອຍດ້ານຂວາ
ແຊກຕົວຫ້ອຍໄວ່ທາງຂວາຂອງຕົວແທນ. ທ່ານຍັງສາມາດພິມ <?>_{<?>} ໃນປ່ອງຢ້ຽມ ຄຳສັ່ງ ໄດ້, ແລະ ສາມາດໃຊ້ rsub ຫຼື sub ແທນເຄື່ອງໝາຍຂີດກ້ອງໄດ້.
ການວາງຊ້ອນກັນຕາມທາງຕັ້ງ (3 ອົງປະກອບ)
ແຊກການວາງຊ້ອນກັນຕາມທາງຕັ້ງພ້ອມກັບສາມຕົວແທນ. ທ່ານຍັງສາມາດພິມ stack {<?>#<?>#<?>} ໃນປ່ອງຢ້ຽມ ຄຳສັ່ງ ໄດ້.
ຊ່ອງວ່າງຂະໜາດນ້ອຍ
ແຊກຊ່ອງວ່າງຂະໜາດນ້ອຍລະຫວ່າງຕົວແທນ ແລະ ອົງປະກອບຖັດໄປ. ທ່ານຍັງສາມາດພິມ ` ໂດຍກົງໃນປ່ອງຢ້ຽມ ຄຳສັ່ງ ໄດ້. ຄຳສັ່ງຕ້ອງປະກົດຢູ່ທາງຊ້າຍ ຫຼື ຂວາຂອງສັນຍະລັກ, ຕົວປ່ຽນ, ຕົວເລກ ຫຼື ຄຳສັ່ງທີ່ສົມບູນ.
ຈັດວາງທາງຊ້າຍ
ໄອຄອນນີ້ກຳນົດການຈັດວາງຊິດຊ້າຍໃຫ້ກັບ "a" ແລະ ແຊກຕົວແທນ. ທ່ານສາມາດພິມ alignl<?> ໂດຍກົງໃນປ່ອງຢ້ຽມ ຄຳສັ່ງ ໄດ້.
ຈັດວາງກາງຕາມທາງນອນ
ກຳນົດການຈັດວາງກາງຕາມທາງນອນໃຫ້ກັບ "a" ແລະ ແຊກຕົວແທນ. ທ່ານຍັງສາມາດພິມ alignc<?> ໂດຍກົງໃນປ່ອງຢ້ຽມ ຄຳສັ່ງ ໄດ້.
ຈັດວາງທາງຂວາ
ແຊກຄຳສັ່ງສຳລັບການຈັດວາງຊິດຂວາ ແລະ ແຊກຕົວແທນ. ທ່ານຍັງສາມາດພິມ alignr<?> ໃນປ່ອງຢ້ຽມ ຄຳສັ່ງ ໄດ້.
ມາຕຣິກຊ້ອນກັນ
ໄອຄອນນີ້ແຊກມາຕຣິກພ້ອມກັບສີ່ຕົວແທນ. ທ່ານຍັງສາມາດພິມ matrix{<?>#<?>##<?>#<?>} ໂດຍກົງໃນປ່ອງຢ້ຽມ ຄຳສັ່ງ ໄດ້. ຕຳແໜ່ງຂອງອົງປະກອບພາຍໃນແຜນວາດນີ້ຖືກກຳນົດດ້ວຍສອງພິກັດ; ຕົວທຳອິດລະບຸເລກແຖວ ແລະ ຕົວທີສອງລະບຸເລກຖັນ. ທ່ານສາມາດຂະຫຍາຍມາຕຣິກນີ້ໄປໃນທິດທາງໃດກໍໄດ້ໃນປ່ອງຢ້ຽມ ຄຳສັ່ງ ໂດຍການເພີ່ມຕົວອັກສອນ.
ຊ່ອງວ່າງ
ໄອຄອນນີ້ແຊກໄລຍະຫ່າງ ຫຼື ຊ່ອງວ່າງລະຫວ່າງຕົວແທນ. ທ່ານຍັງສາມາດພິມ ~ ໂດຍກົງໃນປ່ອງຢ້ຽມ ຄຳສັ່ງ ໄດ້. ຄຳສັ່ງຕ້ອງປະກົດຢູ່ທາງຊ້າຍ ຫຼື ຂວາຂອງສັນຍະລັກ, ຕົວປ່ຽນ, ຕົວເລກ ຫຼື ຄຳສັ່ງທີ່ສົມບູນ.
ສຳລັບການຈັດວາງ, ຄຳສັ່ງ alignl, alignc ແລະ alignr ຈະມີປະສິດທິພາບຫຼາຍ ຖ້າທ່ານກຳລັງ:
-
ຈັດວາງຕົວເສດ ແລະ ຕົວສ່ວນ, ຕົວຢ່າງ: {alignl a}over{b+c}
-
ສ້າງທະວີນາມ ຫຼື ຊຸດຊ້ອນກັນ, ຕົວຢ່າງ: binom{2*n}{alignr k}
-
ຈັດວາງອົງປະກອບໃນມາຕຣິກ, ຕົວຢ່າງ: matrix{alignr a#b+2##c+1/3#alignl d} ແລະ
-
ເລີ່ມແຖວໃໝ່, ຕົວຢ່າງ: a+b-c newline alignr x/y
ເມື່ອໃຊ້ຄຳແນະນຳການຈັດວາງ, ຄວນສັງເກດວ່າ:
-
ພວກມັນສາມາດວາງໄວ້ໄດ້ສະເພາະຕອນເລີ່ມຕົ້ນຂອງນິພົດ ແລະ ສາມາດເກີດຂຶ້ນໄດ້ພຽງຄັ້ງດຽວເທົ່ານັ້ນ. ດັ່ງນັ້ນ ທ່ານສາມາດພິມ a+b alignr c ໄດ້, ແຕ່ບໍ່ສາມາດພິມ a+alignr b ໄດ້.
-
ພວກມັນມີຜົນກະທົບຕໍ່ກັນ, ຊຶ່ງໝາຍຄວາມວ່າການພິມ {alignl{alignr a}}over{b+c} ຈະຈັດວາງ a ໄວ້ທາງຂວາ.
ການຈັດວາງໂດຍໃຊ້ຄຳສັ່ງ "matrix"
matrix{
alignr sin^2 x + cos^2 x#{}={}#alignl 1 ##
alignr cos^2 x #{}={} #alignl 1 - sin^2 x
}
ການຈັດວາງທາງຊ້າຍ
ຖ້າແຖວ ຫຼື ນິພົດເລີ່ມຕົ້ນດ້ວຍຂໍ້ຄວາມ, ມັນຈະຖືກຈັດວາງທາງຊ້າຍໂດຍຄ່າເລີ່ມຕົ້ນ. ທ່ານສາມາດປ່ຽນສິ່ງນີ້ໄດ້ດ້ວຍຄຳສັ່ງ align ໃດກໍໄດ້. ຕົວຢ່າງຄື: stack{a+b-c*d#alignr "text"}, ບ່ອນທີ່ "text" ຈະປະກົດຊິດຂວາ. ສັງເກດວ່າຂໍ້ຄວາມຕ້ອງຖືກໃສ່ໃນເຄື່ອງໝາຍຄຳເວົ້າສະເໝີ.
ສູດທີ່ຈັດກາງຕາມມາດຕະຖານສາມາດຈັດວາງທາງຊ້າຍໄດ້ໂດຍບໍ່ຕ້ອງໃຊ້ເມນູ ຮູບແບບ - ຈັດວາງ. ເພື່ອເຮັດສິ່ງນີ້, ໃຫ້ວາງສາຍອັກສອນຫວ່າງເປົ່າ, ກໍຄືເຄື່ອງໝາຍຄຳເວົ້າ "", ໄວ້ກ່ອນພາກສ່ວນຂອງສູດທີ່ທ່ານຕ້ອງການຈັດວາງ. ຕົວຢ່າງ: ການພິມ "" a+b newline "" c+d ຈະເຮັດໃຫ້ທັງສອງສົມຜົນຈັດວາງທາງຊ້າຍແທນທີ່ຈະຈັດກາງ.
ເມື່ອພິມຂໍ້ມູນໃນປ່ອງຢ້ຽມຄຳສັ່ງ, ຄວນສັງເກດວ່າບາງຮູບແບບຕ້ອງມີຊ່ອງວ່າງເພື່ອໃຫ້ໄດ້ໂຄງສ້າງທີ່ຖືກຕ້ອງ. ສິ່ງນີ້ສຳຄັນຫຼາຍເມື່ອປ້ອນຄ່າ (ຕົວຢ່າງ: a lsup{3}) ແທນທີ່ຈະໃຊ້ຕົວແທນ.
ຄລິກ ວົງເລັບ ແລະ ການຈັດກຸ່ມ ສຳລັບຂໍ້ມູນເພີ່ມເຕີມກ່ຽວກັບການຈັດຮູບແບບໃນ LibreOffice Math.
ຂໍ້ມູນທີ່ມີປະໂຫຍດກ່ຽວກັບ ດັດຊະນີ ແລະ ເລກກຳລັງ ແລະ ການປັບຂະໜາດ ຈະຊ່ວຍໃຫ້ທ່ານຈັດລະບຽບເອກະສານໄດ້ໃນວິທີທີ່ດີທີ່ສຸດ.
