ການກຳນົດຂະໜາດ

ປ່ຽນແປງຄວາມຍາວ, ການວັດແທກ ແລະ ຄຸນສົມບັດເສັ້ນນຳທາງຂອງ ເສັ້ນບອກຂະໜາດ ທີ່ເລືອກ.

ເສັ້ນບອກຂະໜາດຈະຖືກແຊກໃສ່ໃນ ເລເຍີ ທີ່ຊື່ວ່າ Dimension Lines ສະເໝີ. ຖ້າທ່ານຕັ້ງຄ່າເລເຍີນັ້ນໃຫ້ບໍ່ສະແດງ, ທ່ານຈະບໍ່ເຫັນເສັ້ນບອກຂະໜາດໃດໆໃນຮູບແຕ້ມຂອງທ່ານ.

ເສັ້ນ

ຕັ້ງຄ່າຄຸນສົມບັດໄລຍະຫ່າງຂອງເສັ້ນບອກຂະໜາດ ແລະ ເສັ້ນນຳທາງທີ່ສຳພັນກັນ ແລະ ສຳພັນກັບເສັ້ນພື້ນຖານ.

1. ເສັ້ນບອກຂະໜາດ

2. ຂໍ້ຄວາມການວັດແທກ

3. ໄລຍະຫ່າງເສັ້ນ

4. ສ່ວນຍື່ນເສັ້ນນຳທາງ

5. ໄລຍະຫ່າງເສັ້ນນຳທາງ

6. ເສັ້ນພື້ນຖານ

7. ເສັ້ນນຳທາງເບື້ອງຊ້າຍ

8. ເສັ້ນນຳທາງເບື້ອງຂວາ

ໄລຍະຫ່າງເສັ້ນ

ກຳນົດໄລຍະຫ່າງລະຫວ່າງເສັ້ນບອກຂະໜາດ ແລະ ເສັ້ນພື້ນຖານ (ໄລຍະຫ່າງເສັ້ນ = 0).

ສ່ວນຍື່ນເສັ້ນນຳທາງ

ກຳນົດຄວາມຍາວຂອງເສັ້ນນຳທາງເບື້ອງຂວາ ແລະ ຊ້າຍ ເລີ່ມຈາກເສັ້ນບອກຂະໜາດ. ຄ່າບວກຈະຍື່ນເສັ້ນນຳທາງຂຶ້ນໄປຂ້າງເທິງເສັ້ນບອກຂະໜາດ ແລະ ຄ່າລົບຈະຍື່ນເສັ້ນນຳທາງລົງໄປຂ້າງລຸ່ມເສັ້ນບອກຂະໜາດ.

ໄລຍະຫ່າງເສັ້ນນຳທາງ

ກຳນົດຄວາມຍາວຂອງເສັ້ນນຳທາງເບື້ອງຊ້າຍ ແລະ ຂວາ ເລີ່ມຈາກເສັ້ນພື້ນຖານ (ໄລຍະຫ່າງເສັ້ນ = 0). ຄ່າບວກຈະຍື່ນເສັ້ນນຳທາງຂຶ້ນໄປຂ້າງເທິງເສັ້ນພື້ນຖານ ແລະ ຄ່າລົບຈະຍື່ນເສັ້ນນຳທາງລົງໄປຂ້າງລຸ່ມເສັ້ນພື້ນຖານ.

ເສັ້ນນຳທາງເບື້ອງຊ້າຍ

ກຳນົດຄວາມຍາວຂອງເສັ້ນນຳທາງເບື້ອງຊ້າຍ ເລີ່ມຈາກເສັ້ນບອກຂະໜາດ. ຄ່າບວກຈະຍື່ນເສັ້ນນຳທາງລົງໄປຂ້າງລຸ່ມເສັ້ນບອກຂະໜາດ ແລະ ຄ່າລົບຈະຍື່ນເສັ້ນນຳທາງຂຶ້ນໄປຂ້າງເທິງເສັ້ນບອກຂະໜາດ.

ເສັ້ນນຳທາງເບື້ອງຂວາ

ກຳນົດຄວາມຍາວຂອງເສັ້ນນຳທາງເບື້ອງຂວາ ເລີ່ມຈາກເສັ້ນບອກຂະໜາດ. ຄ່າບວກຈະຍື່ນເສັ້ນນຳທາງລົງໄປຂ້າງລຸ່ມເສັ້ນບອກຂະໜາດ ແລະ ຄ່າລົບຈະຍື່ນເສັ້ນນຳທາງຂຶ້ນໄປຂ້າງເທິງເສັ້ນບອກຂະໜາດ.

ເສັ້ນບອກຂະໜາດຢູ່ກ້ອງວັດຖຸ

ປີ້ນຄຸນສົມບັດທີ່ຕັ້ງໄວ້ໃນສ່ວນ ເສັ້ນ.

ຕຳແໜ່ງທົດສະນິຍົມ

ກຳນົດຈຳນວນຕຳແໜ່ງທົດສະນິຍົມທີ່ຈະໃຊ້ສຳລັບການສະແດງຄຸນສົມບັດຂອງເສັ້ນ.

ຄຳອະທິບາຍ

ຕັ້ງຄ່າຄຸນສົມບັດຂອງຂໍ້ຄວາມບອກຂະໜາດ.

ຕຳແໜ່ງຂໍ້ຄວາມ

ກຳນົດຕຳແໜ່ງຂອງຂໍ້ຄວາມບອກຂະໜາດທີ່ສຳພັນກັບເສັ້ນບອກຂະໜາດ ແລະ ເສັ້ນນຳທາງ.

ແນວຕັ້ງອັດຕະໂນມັດ

ກຳນົດຕຳແໜ່ງແນວຕັ້ງທີ່ເໝາະສົມທີ່ສຸດສຳລັບຂໍ້ຄວາມບອກຂະໜາດ.

ແນວນອນອັດຕະໂນມັດ

ກຳນົດຕຳແໜ່ງແນວນອນທີ່ເໝາະສົມທີ່ສຸດສຳລັບຂໍ້ຄວາມບອກຂະໜາດ.

ສະແດງຫົວໜ່ວຍວັດແທກ

ສະແດງ ຫຼື ເຊື່ອງຫົວໜ່ວຍວັດແທກຂະໜາດ. ທ່ານຍັງສາມາດເລືອກຫົວໜ່ວຍວັດແທກທີ່ທ່ານຕ້ອງການສະແດງຈາກລາຍການໄດ້.

ຂະໜານກັບເສັ້ນ

ສະແດງຂໍ້ຄວາມຂະໜານກັບ ຫຼື ເຮັດມຸມ 90 ອົງສາກັບເສັ້ນບອກຂະໜາດ.