ລາຍເຊັນດີຈີຕອນ

ແຖບນີ້ມີຕົວເລືອກຕ່າງໆ ທີ່ກ່ຽວຂ້ອງກັບການສົ່ງອອກເປັນ PDF ທີ່ມີລາຍເຊັນດີຈີຕອນ.

ລາຍເຊັນດີຈີຕອນຖືກນຳໃຊ້ເພື່ອຮັບປະກັນວ່າໄຟລ໌ PDF ນັ້ນຖືກສ້າງຂຶ້ນໂດຍຜູ້ຂຽນຕົ້ນສະບັບແທ້ໆ (ໝາຍເຖິງ ຕົວທ່ານເອງ), ແລະ ເອກະສານນັ້ນບໍ່ໄດ້ຖືກແກ້ໄຂນັບຕັ້ງແຕ່ມັນຖືກເຊັນ.

ການສົ່ງອອກ PDF ທີ່ມີລາຍເຊັນຈະໃຊ້ຄີ (keys) ແລະ ໃບຢັ້ງຢືນ X.509 ທີ່ຖືກເກັບໄວ້ໃນບ່ອນເກັບຄີເລີ່ມຕົ້ນຂອງທ່ານ ຫຼື ໃນສະມາດກາດ.

ເມື່ອໃຊ້ສະມາດກາດ, ມັນຕ້ອງຖືກຕັ້ງຄ່າເພື່ອໃຊ້ງານຮ່ວມກັບບ່ອນເກັບຄີຂອງທ່ານແລ້ວ. ໂດຍປົກກະຕິຈະເຮັດໃນລະຫວ່າງການຕິດຕັ້ງຊອບແວຂອງສະມາດກາດ.

ໃບຢັ້ງຢືນ X.509

ໃຊ້ໃບຢັ້ງຢືນ X.509 ນີ້ເພື່ອເຊັນເອກະສານ PDF ແບບດີຈີຕອນ

ອະນຸຍາດໃຫ້ທ່ານເລືອກໃບຢັ້ງຢືນ X.509 ເພື່ອນຳໃຊ້ໃນການເຊັນການສົ່ງອອກ PDF ນີ້.

ເລືອກ

ເປີດໜ້າຈໍ ເລືອກໃບຢັ້ງຢືນ.

ໃບຢັ້ງຢືນທັງໝົດທີ່ພົບໃນບ່ອນເກັບຄີທີ່ເລືອກຈະຖືກສະແດງອອກມາ. ຖ້າບ່ອນເກັບຄີຖືກປົກປ້ອງດ້ວຍລະຫັດຜ່ານ, ທ່ານຈະຖືກຖາມໃຫ້ປ້ອນມັນ. ເມື່ອໃຊ້ສະມາດກາດທີ່ປົກປ້ອງດ້ວຍ PIN, ທ່ານກໍຈະຖືກຖາມໃຫ້ປ້ອນ PIN ເຊັ່ນກັນ.

ເລືອກໃບຢັ້ງຢືນທີ່ຈະໃຊ້ສຳລັບການເຊັນ PDF ທີ່ສົ່ງອອກ ໂດຍການຄລິກໃສ່ແຖວທີ່ກ່ຽວຂ້ອງ, ແລ້ວຄລິກ ຕົກລົງ.

ຊ່ອງອື່ນໆ ທັງໝົດໃນແຖບ ລາຍເຊັນດີຈີຕອນ ຈະສາມາດເຂົ້າໃຊ້ງານໄດ້ກໍຕໍ່ເມື່ອໄດ້ເລືອກໃບຢັ້ງຢືນແລ້ວເທົ່ານັ້ນ.

ລະຫັດຜ່ານໃບຢັ້ງຢືນ

ປ້ອນລະຫັດຜ່ານທີ່ໃຊ້ໃນການປົກປ້ອງຄີສ່ວນຕົວ (private key) ທີ່ກ່ຽວຂ້ອງກັບໃບຢັ້ງຢືນທີ່ເລືອກ. ໂດຍປົກກະຕິແລ້ວຈະແມ່ນລະຫັດຜ່ານຂອງບ່ອນເກັບຄີ.

ສະຖານທີ່, ຂໍ້ມູນຕິດຕໍ່, ເຫດຜົນ

ສາມຊ່ອງນີ້ອະນຸຍາດໃຫ້ທ່ານປ້ອນຂໍ້ມູນເພີ່ມເຕີມກ່ຽວກັບລາຍເຊັນດີຈີຕອນທີ່ຈະນຳໃຊ້ກັບ PDF (ຢູ່ໃສ, ໂດຍໃຜ ແລະ ເປັນຫຍັງຈຶ່ງສ້າງ). ມັນຈະຖືກຝັງຢູ່ໃນຊ່ອງ PDF ທີ່ເໝາະສົມ ແລະ ຈະເຫັນໄດ້ໂດຍທຸກຄົນທີ່ເບິ່ງ PDF. ທ່ານສາມາດປະຫວ່າງຊ່ອງໃດໜຶ່ງ ຫຼື ທັງໝົດໄດ້.

ໜ່ວຍງານອອກກາປະທັບເວລາ

ໃນລະຫວ່າງຂະບວນການເຊັນ PDF, TSA ຈະຖືກນຳໃຊ້ເພື່ອຂໍເອົາການປະທັບຕາເວລາທີ່ເຊັນແບບດີຈີຕອນ ເຊິ່ງຈະຖືກຝັງເຂົ້າໃນລາຍເຊັນ. ການປະທັບຕາເວລານີ້ (RFC 3161) ຈະຊ່ວຍໃຫ້ທຸກຄົນທີ່ເບິ່ງ PDF ສາມາດກວດສອບໄດ້ວ່າເອກະສານຖືກເຊັນຕອນໃດ.

ຖ້າບໍ່ໄດ້ເລືອກ TSA URL (ຄ່າເລີ່ມຕົ້ນ), ລາຍເຊັນຈະບໍ່ມີການປະທັບຕາເວລາ, ແຕ່ຈະໃຊ້ເວລາປັດຈຸບັນຈາກຄອມພິວເຕີຂອງທ່ານ.