ການເລືອກຫຼາຍຫ້ອງຕາຕະລາງ

ເລືອກຊ່ວງຮູບສີ່ແຈສາກ

ໃນຂະນະທີ່ກົດປຸ່ມເມົາສ໌ຄ້າງໄວ້, ໃຫ້ລາກຈາກມຸມໜຶ່ງໄປຫາອີກມຸມໜຶ່ງທີ່ຢູ່ກົງກັນຂ້າມຂອງຊ່ວງນັ້ນ.

ໝາຍຫ້ອງຕາຕະລາງດຽວ

ປະຕິບັດຢ່າງໃດຢ່າງໜຶ່ງຕໍ່ໄປນີ້:

• ຄລິກ, ແລ້ວກົດ Shift ຄ້າງໄວ້ແລ້ວຄລິກຫ້ອງຕາຕະລາງນັ້ນ.

• ກົດປຸ່ມເມົາສ໌ຄ້າງໄວ້, ລາກຊ່ວງຜ່ານສອງຫ້ອງຕາຕະລາງ, ຢ່າຟ້າວປ່ອຍປຸ່ມເມົາສ໌, ແລ້ວລາກກັບຄືນມາຫາຫ້ອງທຳອິດ. ປ່ອຍປຸ່ມເມົາສ໌. ຕອນນີ້ທ່ານສາມາດຍ້າຍຫ້ອງຕາຕະລາງນັ້ນໄດ້ໂດຍການລາກ ແລະ ວາງ.

ເລືອກຫ້ອງຕາຕະລາງຕ່າງໆທີ່ຢູ່ຫ່າງກັນ

ປະຕິບັດຢ່າງໃດຢ່າງໜຶ່ງຕໍ່ໄປນີ້:

• ໝາຍເອົາຢ່າງໜ້ອຍໜຶ່ງຫ້ອງ. ຈາກນັ້ນໃນຂະນະທີ່ກົດປຸ່ມ ຄ້າງໄວ້, ໃຫ້ຄລິກໃສ່ແຕ່ລະຫ້ອງເພີ່ມເຕີມ.

• ຄລິກໃສ່ສ່ວນ STD / EXT / ADD ໃນແຖບສະຖານະຈົນກວ່າມັນຈະສະແດງ ADD. ຕອນນີ້ໃຫ້ຄລິກໃສ່ທຸກຫ້ອງຕາຕະລາງທີ່ທ່ານຕ້ອງການເລືອກ.

ປ່ຽນໂໝດການໝາຍ

ໃນແຖບສະຖານະ, ໃຫ້ຄລິກໃສ່ຊ່ອງທີ່ມີຄຳອະທິບາຍ STD / EXT / ADD ເພື່ອປ່ຽນໂໝດການໝາຍ:

ເນື້ອໃນຂອງຊ່ອງ	ຜົນຂອງການຄລິກເມົາສ໌
STD	ການຄລິກເມົາສ໌ຈະເລືອກຫ້ອງຕາຕະລາງທີ່ທ່ານໄດ້ຄລິກໃສ່. ແລະ ຍົກເລີກການໝາຍທຸກຫ້ອງທີ່ໝາຍໄວ້ກ່ອນໜ້າ.
EXT	ການຄລິກເມົາສ໌ຈະໝາຍຊ່ວງຮູບສີ່ແຈສາກຈາກຫ້ອງປັດຈຸບັນຫາຫ້ອງທີ່ທ່ານຄລິກ. ຫຼື ກົດ Shift-ຄລິກ ໃສ່ຫ້ອງຕາຕະລາງ.
ADD	ການຄລິກເມົາສ໌ໃນຫ້ອງຕາຕະລາງຈະເພີ່ມມັນເຂົ້າໃນຫ້ອງທີ່ໝາຍໄວ້ແລ້ວ. ການຄລິກໃນຫ້ອງທີ່ໝາຍໄວ້ແລ້ວຈະເປັນການຍົກເລີກການໝາຍ. ຫຼື ກົດ -ຄລິກ ໃສ່ຫ້ອງຕາຕະລາງ.

ການເລືອກບລັອກຫ້ອງຕາຕະລາງຢ່າງວ່ອງໄວ

ເພື່ອເລືອກບລັອກຫ້ອງຕາຕະລາງຮູບສີ່ແຈສາກທີ່ອ້ອມຮອບດ້ວຍຫ້ອງຫວ່າງເປົ່າ, ໃຫ້ວາງເຄີເຊີໄວ້ໃນບລັອກນັ້ນແລ້ວກົດ Ctrl + A.